258
Paradera – Diabierna atardi algo prome cu 5’or polis di trafico a wordo notifica di un accidente di trafico na e crusada di Paradera pa Rooi Afo, y cu lo tin hende herida.
Na yegada di polis di trafico e ta topa cu un Toyota Yaris y un un Chevrolet S10. Ambos cu daño material parti dilanti.
Den e Yaris tawata tin un dama cu a resulta levemente herida.
Pa e motibo aki a pidi pa un ambulance.
Loke a sosode na e crusada aki ta cu e Yaris a subi caminda dilanti e pick up, y segun chauffeur di e pick up e la trata di evita dal e Yaris pero tawata envano.
Na yegada di Ambulance Paramediconan a atende cu e dama na e sitio.