Home » AAA preparando pa posibilidad di cuminsa ricibi trafico aereo regular dia 1 di Juni 2020

AAA preparando pa posibilidad di cuminsa ricibi trafico aereo regular dia 1 di Juni 2020

by Admin
0 comment 81 views

ORANJESTAD – Aruba Airport Authority N.V. (AAA), a cuminsa prepara pa un posibel inicio di su operacionnan. Pa por cuminsa bek cu e operacionnan regular di un aeropuerto, tin varios factor cu mester tene cuenta cu nan, esun mas importante naturalmente ta e decision di Gobierno di Aruba pa permiti buelonan comercial pa y for di Aruba. Mientrastanto, AAA a prepara un plan pa ta prepara pa ricibi trafico aereo regular den un forma safe y controla (den volumen minimo prome) desde 1 di Juni 2020.

E plan di re-inicio ta delinea 4 diferente fase y ta ensera proceduranan, procesonan y otro accionnan necesario pa un re-inicio operacional. Posible rekisitonan pa entrada/biahe/salud y medidanan local y internacional di autoridadnan, aerolineanan y Gobierno di Aruba ta den consideracion continuo y lo wordo implementa durante cada fase di e plan di inicio.

E 4 fasenan defini ta: e “Pre-restart Phase”, e “Soft-Restart Phase”, e “Close-to- normal Operation Phase” y e “Business as Usual Phase”. AAA a duna inicio na e Pre-Restart phase dia 23 di April, 2020 y ta spera di por cuminsa cu e Soft-restart Phase dia 1 di Juni, 2020. Den e Pre-Restart Phase AAA lo implementa tur tipo di medida riba aeropuerto pa asina den un manera safe atende pasahero- y buelonan comercial regular. E medidanan aki ta ensera entre otro borchinan pa guia pasahero, empleado y otro usuarionan di aeropuerto segun social distancing, restriccionnan di capacidad, glas transparente na e balienan pa check-in, marceo pa areanan unda mester para den fila, asigna areanan di 1 direccion y ahuste na aeropuerto su policy di baggage belt.

E medidanan aki mester hiba nos na un operacion safe y controla pa e cantidad di pasaheronan inicial y tambe e avionnan den e Soft-Restart phase. Den e “Close-to-normal operation phase” y mas despues den e “Business-as usual-phase”, por spera mas pasahero y avion pa atende.
Cu e tactica den fase AAA por y lo sigui adapta y haci e cambionan necesario basa riba e conocimento y experiencia di e fasenan anterior y tambe basa riba e lesnan cu a siña na otro aeropuertonan rond mundo cu ta un tiki mas avansa den e proceso di recuperacion.

“Mientras cu nos tur ta spera cu nos lo bai bek na nos operacionnan di un forma liher unda cu e circumstancianan tabata manera nan tabata prome cu e COVID-19, nos mester ta conciente cu esaki no lo pasa den algun luna. E ta dificil pa bisa di awor caba ki tempo e fase di Busines-as-usual lo wordo alcansa, pasobra un recuperacion completo por tuma hopi tempo. Aworaki nos tin un plan responsabel pa sigui cu operacionnan paso a paso, den e manera mas safe posibel y segun tur rekisito di aviacion y salud. Mientras nos ta en espera di Gobierno di Aruba su anuncio cu nos fronteranan ta habri, nos lo ta prepara pa e etapa nobo desde 1 di Juni. Nos ta conta riba e cooperacion di tur empleado, stakeholder y partner pa alcansa tur obhetivo di cada fase,” segun CEO di AAA Joost Meijs.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio