Oranjestad: Ultimo dianan por mira na instancianan unda ta haci transacion di placa pa exterior, filanan largo di hende para pafo wardando nan beurt yega.
Esakinan ta hendenan cu mayoria parti tin famia den exterior y ta manda cent pa nan, otro cu tin debe den exterior cu ta manda paga. Pero tambe tin otro cu ta bay pa busca placa cu ta bin for di exterior pa nan.
Especialmente den e temporada di crisis aki hopi hende tin e temor cu si manda hopi cent afo lo por forma un peliger pa nos divisasnan. Te hasta tin hende ta pidi pa Gobierno pone un cantidad maximo pa por manda placa for di Aruba den exterior.
Esey tey caba ,e ta actualmente na 5 mil florin pa dia y tin transaccionnan ta wordo raporta na M.O.T., pesey ora di manda placa den exterior no ta por nada ta tuma tanto tempo pa yena e formularionan.
Di otro banda mirando e situacion di crisis cu nos ta aden, nos por keda trankil pa e banda aki, paso Banco Central ta monitoria e transaccionnan di placa, cu ta drenta y sali for di Aruba, si esaki cuminsa forma peliger pa nos divisasnan sigur lo bati alarma.
