98
Diaranson den oranan di atardi Prome Minister di Aruba Sra. Evelyn Wever Croes a manda un carta pa tur sindicato den cual e ta informa nan cu Gobierno a dicidi di duna un compensacion adicional na tur empleado publico cu mester a sigui traha durante Corona crisis.
Prome Minister a yama e compensacion aki “pandemie toelage”. Den e carta a informa e sindicatonan cu ordo a bay caba pa DRH cuminsa prepara esaki.
E toelage aki ta pa e ‘front-linersnan’ esnan cu ta combatiendo e crisis aki dus e prome fila. Esaki a keda dicidi den e reunion di Ministerraad dia 20 di april 2020, pa pidi DRH prepara un areglo di ‘pandemie toelage’.