Home » Spa: NOS TA FRONT LINERS Y NOS NO TA ENTREGA

Spa: NOS TA FRONT LINERS Y NOS NO TA ENTREGA

by Admin
0 comment 67 views

SPA ta para firme cu nan no ta bay entrega 5% di salario pasobra nan tin derecho pa motibo cu nan ta front liners, sigur nan tin tur rason di mundo pa bringa pa nan derechonan.

Recientemente un carta di sindicato a wordo manda Hulanda, cu segun nan cu pa motibo cu nan ta front liners y cu durante e crisisnan nan SI mester traha no ta hustifica pa nan entrega.

Spa a bisa: “Nos no ta di acuerdo cu entrega di 5% di salario. Nos polisnan ta forma parti di e Front Liners. For di comienzo die pandemia di Corona-virus, e Front Liners nan no tawata tin sosiego.

Teniendo na cuenta cu mundialmente e salario di Front-liners no ta worde corta y nos a bin compronde cu nan ta pidiendo pa un calamiteitstoelage.

Nos no ta di acuerdo pa corta 50% di vakantieuitkering. Nos kier e vakantieuitkering paga completo.

Nos ta di acuerdo pa entrega si 50% di e reparatiepremie y e gelijkbedrag di e aña 2020.

Segun sindicato di Polis, Aruba tin hopi otro caminda pa corta vet den e aparato gubernamental. Nan tin rason, den nan mesun un Dienst tin mester tin caminda pa corta vet, por ehempel:

E autonan di lease cu un gran cantidad di agente policial den  funcion di recherche, Arestatie Team etc ta keda 24 ora pa dia, 7 dia pa siman cu e  auto. Niun persona ta traha 24 ora pa dia, mientras di nan ta warda na cas.

E gasolin cu ta wordo yena den e autonan aki, e bonnan cu ta wordo uza pa yena gasolin, ta sali di Directie Financien, esaki kemen for di placa di pueblo e ta wordo paga.

Bo ta mira e lease autonan aki riba caya cu famia ta keiro, na entiero, na restaurant, na Supermarket, bebemento den bar, mientras e pueblo, esun cu a perde su entrada den sector priva a contribui pa añanan largo pa e gasoline y e lease di autonan aki.

Esaki no ta conta pa polis di straatdienst cu ta bay trabou cu nan auto personal, cu ta uza auto di polis solamente durante ora di trabou pa patruya of bay un asistencia y ora nan caba di traha nan ta bay cu nan auto personal cas.

Dicon no ta corta vet den e parti aki, comparti auto cu otro.

A bira tempo pa nos tur comparti, Aruba mester ta orguyoso di nos Cuerpo Policial cu ta haciendo un tremendo trabou.

SPA ta den su derecho pa bringa pa nan salario, nan no ta di acuerdo pa entrega 5% pa yuda esnan cu ta na 0 entrada, pero lo ta bon pa at least yuda gobierno corta vet den boso mesun dienst, sigur den leasemento di auto y gasolin, tambe overtime por spaar hopi. Comparti auto, no bay cu auto di lease cas, no core cu famia, no haci cosnan personal cu nan etc. tambe ta yuda corta vet.

Dicon SPA niun dia a sali asina brabo pa yuda tur e polisnan cu ta riba non actief, nan ta cobra, pero no ta trahando, pakiko no ta exigi of pidi nan superiornan pa pone tur bek na pia di trabou, asina no ta abusa di e mesun polisnan poniendonan traha 16 ora pa dia y alabes ta spaar riba overtime, cu tambe kemen corta hopi vet.

Nos ta den un crisis cu por bay bira hopi serio, unda tin pobresa e tera ta fertil pa mas criminalidad y hende cu hamber ta mata pa come. Awo mas cu nunca mester pa tur polis ta riba caya pa yuda protega nos pida baranca di criminalidad.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio