Home » Populacion cu regularmente ta pasa hamber lo bay dobel pa motibo di coronavirus; 265 miyon persona na mundo lo bay sufri hamber

Populacion cu regularmente ta pasa hamber lo bay dobel pa motibo di coronavirus; 265 miyon persona na mundo lo bay sufri hamber

by Admin
0 comment 66 views

World Food Programme (WFP) a adverti cu miyones di persona mas lo bay sufri di hamber pa via di e crisis di COVID-19. Prome cu e crisis tawata tin caba 136 miyon persona na mundo sufriendo di hamber.

Esaki ta prome cu coronavirus a plama pa tur pais na mundo, poniendo presion riba e infrastructura medico y creando desaster pa hasta mundo su economianan mas robusto. Nacionan Uni (U.N) tin miedo cu e cantidad di hende pasando den un crisis di cuminda lo yega 265 miyon e aña aki.

Director di WFP, David Beasley, a bisa na un reunion di U.N. diamars pasa cu ‘nos ta enfrentando un tormenta perfecto’. E a nota cu ya caba tin  guerra cu tin añas andando na Syria y Yemen, hunto cu e plaga di sprinkhaan cu a daña cosecha na este di Africa, y e crisis economico cu hopi pais ta aden prome cu e crisis a bin.

“Awe, cu COVID-19, mi kier enfatisa cu nos no ta enfrentando un pandemia di crisis di salud publico so, pero tambe un catastrofe humanitario global”, Beasley a bisa.  E a sigui na splica cu miyones di hende ta bibando den paisnan marca pa conflicto, incluyendo hopi muher y muchanan, cu awo tin cu bay enfrenta hamber.

Un crisis masal di hendenan muriendo di hamber ta mustrando manera un realidad. E rapport traha pa WFP,  ta splica claramente cu esnan cu mester a bandona nan pais pa violencia o desaster ambiental ta specialmente vulnerabel pa e efectonan economico y di salud pa COVID-19.

Hopi no tin ni e minimo acceso na awa y habon, distanciamento social, e abilidad di traha for di cas y otro ayudo medico. Mayoria parti nan ta depende di ayudo humanitario, cual ta instancianan cu awor a wordo stroba pa e pandemia di haci nan trabou.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio