Home » COVID-19: Remedi contra malaria causando mas morto y no ta mustrando ningun beneficio, esaki segun un estudio Estadounidense

COVID-19: Remedi contra malaria causando mas morto y no ta mustrando ningun beneficio, esaki segun un estudio Estadounidense

by Admin
0 comment 77 views

E remedi contra malaria hopi propaganda pa President Donald Trump, no ta dunando ningun resultado positivo den e lucha contra coronavirus. Den un analisis haci di pashentnan den hospitalnan Mericano pa veterano militar, mas morto tawata tin entre esnan cu a wordo duna hydroxychloroquine.

Tawata tin menos fayecido pa esnan cu a ricibi e cuido medico standard, esaki investigadornan a raporta. E estudio no a wordo analisa ainda pa otro cientificonan y tampoco tawata uno rigoroso, e ta tawata tin unicamente 369. Asina mes e ta un di e estudionan mas grandi haci riba hydroxychloroquine.

E estudio a inclui dunando hydroxychloroquine cu o sin e combinacion di antibiotica azithromycin pa COVID-19. E investigadornan a analisa record medico di 368 homber veterano militar cu a wordo interna pa caso confirma di COVID-19. Nan a investiga ambos fayecido y esnan cu a recupera pa 11 di april.

28% cu a haya cuido medico regular y cu a wordo duna hydroxychloroquine a fayece. 22% cu a haya cuido medico regular hunto cu un combinacion di hydroxychloroquine y e antibiotica azithromycin a fayece. Esaki en comparacion cu e 11% cu a ricibi cuido medico standard y cu a fayece. E informacion aki ta indica un diferencia grandi den mortalidad.

Ta ser bisa tambe cu e remedi
hydroxychloroquine no ta duna diferencia den e necesidad di uzo di machine respiratorio tampoco. Aunke cu investigadornan no a monitor e posibel efectonan secundario di e remedi, tin indicacion e ta haci daño na otro organonan.

E remedi ta conoci cu e tin efectonan secundario serio, cual por hasta causa morto abrupto di un persona. Cientificonan di Brazil a stop un estudio riba chloroquine (un droga similar cu hydroxychloroquine), despues cu un cuarto parti di persona a desaroya problema cu nan curason. Mirando e efectonan secundario di hydroxychloroquine (o di combina hydroxychloroquine cu azithromycin) mediconan ta duda di recomenda esaki.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio