Palm Beach: Dialuna algo prome cu 8’or di anochi, un homber cu ta traha na Bingo Restaurant a hay’e den un situacion hopi fastioso cu un homber riba bais. E homber riba bais pa un motibo desconoci a pasa scupi e trahador di Bingo Restaurant.
E homber riba bais despues a core bay banda di Local Store y a kibra un bentana di auto tambe na Botica Santa Ana ela kibra glas di un otro auto. Mesora a avisa polis.
Na momento cu polis tabata bayendo pa e asistencia a bin topa cu un homber riba bais preto di cual e descripcion ta cuadra cu loke nan a avisa polis. Mesora polis a bay atende cu e homber aki y e homber manda bira agresivo cu polis, mesora nan a mande vloer pa por a bisti’e boei.
Transportwagen di Polis a presenta y a transporta e homber aki pa warda di Shaba. E patruya mes a bay Local Store y Botica Santa Anna pa tuma datos di e destruccion cometi pa e homber riba e dos autonan.
.
