Canoastraat, Oranjestad: Diasabra anochi den careda di 11’or di anochi, presencia di polis a wordo pidi cu urgencia na un adres den Canoastraat pa un grupo di hende. Mesora varios patruya a bay direccion di Canoastraat pero na momento cu nan a yega ey banda tur cos tabata mustra hopi keto.
Un rato despues atrobe a bolbe pidi pa presencia di polis, paso tin un pelea andando, e biaha aki si polis a baha bay na e cas y enberdad na e parti patras tabata tin un bringamento. Un homber bou influencia tabata haciendo problema, e tabata pleitando cu un of mas persona cu tabata biba na e apartamento banda di e cas.
Na momento cu polis a acerca e homber, e no kier a rasona, e la cuminsa insulta polis y no kier a coopera cu polis. No a keda polis nada otro cu detene e homber aki. Mesora a pidi pa transportwagen pa transporta e homber pa warda di polis caminda e lo mester presenta dilanti Sub Fiscal y duna cuenta di su actonan.
