Bubali: Diasabra poco prome cu mey anochi presencia di polis a wordo pidi cu urgencia na un adres na Bubali, caminda lo tin un problema di pareha, cu ta bayendo for di man y di cual lo tin supuestamente cuchiu envolvi.
Na yegada e agentenan policial a bin topa cu un homber lomba sunu para pafo di e cas, e agentenan mesora a bay papia cune y e la splicca nan cu haña problema cu un dama na e cas y cu e dama no lo kier e paden di e cas mas. Polis a bati na e porta di e cas, pero niun hende no kier a sali pa atende cu polis.
E Polisnan a bay bati na un bentana di e cas caminda e dama lo mester ta, despues di basta batimento pa nan habri e porta. Dos dama a dicidi di habri e porta di cas.Na momento cu nan a habri e porta, nan tabata manera kier a haci basta pret cu e polisnan, pero polis a papia cunan y a scual e damanan aki, splicando nan un cu otro y tambe a tuma nan datosnan.
Despues nan a tuma datos di e homber, polis a bis’e pa e piki su cosnan y pa evita cu e homber haña mas problema cu e damanan, polis a dicidi di bay cu e homber warda, pa e por entrega un keho y busca un otro lugar di keda.
