162
Sabana Basora/ Pos Chikito: Diabierna algo pasa di 9’or di anochi na momento cu e helicopter tabata patruyando den e area di Sabana Basora, e piloto ripara cu for di un cas na Pos Chikito un persona lo tabata lusa e helicopter cu un laser biña. Esaki tabata strobando e piloto y asina treciendo e helicopter den peliger.
Mesora a manda un patruya direccion di unda e laser tabata bin. Polisnan a rondona alguna cas den e area aki pa mira si por topa cu un persona pafo di cas, pero esaki no tabata e caso. Probablemente e laser tabata sali for di un bentana di cas, na un cas caminda tin un container.