Un hende a yama polis pa homber cu tabata haciendo cura limpi na su bisiña keriendo cu e lo tabata un ladron

Quaststraat, Oranjestad: Diabierna den oranan di mainta presencia di polis a wordo pidi pa motibo cu un persona a mira un ladron den cura di su bisiña. Mesora a manda un patruya di polis a bay na e cas.

Na yegada nan a bin compronde cu doño di un cas a paga e homber aki pa haci dilanti su cas y su cura limpi. Pero e homber a bula den un cura pa coy algun coco, net un bisiña a mira esaki y mesora e la yama polis bisando cu lo tin un ladron den cura di su bisiña. E doño di cas mes a sali pafo y a splica polis cu e persona aki ta trahando pa su persona haciendo su cura limpi.