Mucha di 9 aña a wordo mordi pa un cacho

Esmeralda, Noord: Diabierna den careda di 7’or y mey di anochi, presencia di polis a wordo pidi na un cas na Esmeralda pa motibo cu un much a wordo mordi pa un cacho.

Na yegada polis a bin topa cu e mucha sinta riba vloer y a bin compronde, cu e mucha aki di 9 aña tabata canando cu su amigo. Un cacho a sali morde e mucha na su pia, e mucha tabat hopi spanta. Despues cu polis a tuma tur datos e mayornan mes a hiba e mucha hospital.