Home Police Polis despues di un persecusion na pia a logra pone man riba...

Polis despues di un persecusion na pia a logra pone man riba un sospechoso busca pa atraco

SHARE

Noord: Diabierna den careda di 11’or y mey, na momento cu polis tabata atendiendo cu un caso na Monserrat, nan a mira un homber drenta den e tuberianan di afvoer banda di caminda un poco mas pazuid di e ex veld di Nacional, polisnan a nota cu e homber aki a actua sospechoso, mesora nan a dicidi di bay su tras pero no a logra haye. E Polisnan a cuminsa busca e homber den e area aki.

Un rato despues nan a bin mira e homber ta bulando cura di Citgo Palm Beach y core bay zuid, mesora e agentenan policial a core su tras. E homber a drenta den e mondi, e polisnan a tambe a drenta den mondi y asina nan a logra gara e homber aki.

Recherche tambe a presenta na e sitio y a tuma datos di e homber di inicial E.P.T. di 41 aña di edad. E la keda deteni como un sospechoso busca pa husticia relaciona cu atraco, na Montaña Food Mart riba 15 april 2020 y Cheung Gong Supermarket, den apelsinastraat (Tarabana) riba 14 maart 2020.

Ela keda transporta pa Warda di Polis pa mas investigacion.