Dr. Horacio E. Oduber Hospital ya pa algun aña ta brinda algun servicio medico na e islanan di Boneiro, Saba y St. Eustatius. Ultimo simannan door di e pandemia mundial di coronavirus pashentnan oncologico cu mester ricibi tratamento no por a bini pa haci esaki. Den momentonan asina sigur e expertonan di HOH su botica no a para keto y a yega hunto cu Fundashon Mariadal na Boneiro riba e idea pa asina traha e chemo y transporta esaki pa pashentnan por ricibi nan tratamento na Boneiro. Hospital su botica a haci esaki posibel hunto cu departamento di Oncologia y facturacion. Esaki ta prome biaha den historia cu tratamento di chemo a tuma luga na Boneiro y Hospital di Aruba a contribui na esaki. Nos ta sumamente orguyoso di conhuntamente por a logra algo asina bunita den un situacion di crisis.
Pabien na e team completo di Dr. Horacio E. Oduber Hospital y tambe Fundashon Mariadal na Boneiro cu un logro grandi asina. Riba e foto por admira un parti di e team completo dii Botica di Hospital cu a traha duro pa haci esaki posibel y tambe e momento di alegria ora cu e team di Fundashon Mariadal na Boneiro a ricibi e chemo.
