Home Police Candela den cas a causa cu dos persona a inhala basta huma,...

Candela den cas a causa cu dos persona a inhala basta huma, ambos a wordo hiba Hospital

SHARE
Pos Chikito – Diabierna pa 2:30 di atardi polis a wordo pidi cu urgencia na un adres na Pos Chikito, unda cu lo tin candela y cu ainda tin hende den e cas.

Mesora polis di San Nicolas a bay cu urgencia pa e adres, cu ta situa den e area patras di Serlimar antes DTI.

Na yegada di polis danki Dios algun persona a usa slang pa a paga un cama cu a pega candela. Asina polisnan a pidi pa Brandweer, cu a yega cu dos unidad.

Mucho mas nan no tawata mester a haci.

Den e cas polis a constata cu tawata tin dos persona, un señora di edad y un yiu.

Ambos lo a inhala huma.

Pa e motibo aki dos ambulance a yega, unda cu Paramediconan a cuminsa atende cu nan.

Polis a na e sitio a pidi pa BFTO cu ta departamento tecnico di Cuerpo policial.

Segun testigonan, un otro yiu homber cu ta biba na e cas posiblemente ta e responsabel.

Investigacion di parti autoridad lo tin di trece claridad den incidente lamentabel aki.

Un danki na bisiñanan cu a actua mesora y duna un man pa evita lo peor.