Polis a para un auto y e chauffeur a keda deteni pa no tabata cumpli cu Toque de queda

Shaba/Boegoeroei: Diaranson poco despues di 9’or, durante Toque de queda, mientras polisnan ta riba caya patruyando, riba e caminda di Boegoeroei pa bay Bubali, nan a bin topa cu un auto bayendo direccion pabou.

E patruya mesora a bay su tras y a para e auto aki, den e auto tabata tin un homber tras di stuur. Polis mesora a puntre kiko ta e motibo y si e tin permiso pa ta ariba caya. E chauffeur no tabata tin niun motibo y mucho menos un permiso pa ta durante Toque de queda riba caya.

Ela keda mesora deteni y transporta pa warda di polis, caminda e lo mester pasa su anochi y tambe ricibi un boet pa no ta respetando Toque de queda.