Home Lifestyle Coronavirus y azeta essencial

Coronavirus y azeta essencial

SHARE

Aromaterapia ta un therapia holistico. Esey kiermen e ta wak un persona completo. Bo fisico, psikico, social y manera di come.


E ta traha riba bo mente y curpa. Esey ta bini paso nos sistema respiratorio ta conecta directamente cu un parti di nos celebro y tin influencia riba nos emocion y nos sistema psykico. Door medio di e blaasnan den nos pulmonan e AE ta drenta den nos sanger.

AE ta wordo produci door di un mata. E por ta saca di e wortel, taki, stam, blachi o sea di e flor. E ta hopi concentra y ta vapora hopi lihe. Nunca uza AE artificial, pero AE cu ta 100% natural, si bo uza e marca correcto. Marcanan di AE hopi conoci, ta Jacob Hooy of CHI.

Lastimamente AE no ta un azeta cu ta kita e virus, pero si por hasi hopi cu AE.
E ta yuda contra bacteria, beskem y virus. AE por wordo uza hasta puro sin wordo mescla cu un basico. Por uza esaki pa desinfecta, mannan, den cushina, mannan di porta y te hasta WC.

Nunca bebe AE, ni spray esaki puro den nanishi. E por afecta bo slijmvliezennan.
Tin hende cu ta allergico pa e grupo citrico, nan mester tene cuenta cu esaki.

Den e articulo aki ta focus riba AE cu ta contra virus y ta desinfecta e aire:

Tea tree ta duidelijk un antivirus.
E ta wordo uza como un desinfectante cu ta 12 biaha mas fuerte cu Fenol (esaki segun estudionan), Fenol ta un desinfectante Kimico.
E lo por stroba e virus den e prome stage caba prome cu e drenta den e celnan.
Segun estudionan si bo uza Tea Tree den un espacio chikito y cera,esaki por contribui cu un virus por disparce den 10 minuut y despues di 15 minuut e virus no tey mes mas.

E estudio aki ta haci riba e virus di influenza y no e virus di Corona.
No ta prueba, pero no ta kita afo cu e lo por haci esaki cu e Corona Virus tambe. Tampoco tin garantia, pero no lo kita nada pa trata na use toch pa esaki.

Lamoenchi ta un AE importante paso e tin hopi caracternan positivo.
Lamoenchi ta un di e mihor AE pa ora di griep of verkoud. Esaki nos por mira den productonan cu nos ta cumpra na Botica contra griep.
Su efecto fuerte anti viral y anti bacterial ta haci’e ideal pa desinfecta un atmosfera.
Por ehemplo un camber di un persona malo di salud.

Otro AE cu tambe por wordo usa:
Citrico: bergamot / lemongrass / citroenmelisse / appelsina
Menta: eucalyptus / kruidnagel / pepermunt / rozemarijn


Lemongrass


Rozemarijn


Si ta desea di mescla AE corda semper AE di e mesun grupo, di menta por mescla nan hunto, e grupo di citrico por mescla nan so cu otro. Nunca mescla esun nan di menta cu esunnan citrico.


Eucalyptus

Vapora Tea Tree hunto cu Eucalyptus y Pepermunt ta percura pa mas rosea.

Habon pa laba man:
Den 200 ml habon liquid pa laba man neutral of uno cu lo combina cu e AE agrega:
20 gota di tea tree, 10 gota pepermunt.
of 10 gota citroen ,10 gota bergamot I 10 gota lemongrass

Corda sacudinan bon y cu esaki por laba man diariamente.

Desinfecta kas of kantoor:
Por traha un spray di nan pa uza pa cas of oficina, te hasta pa spray nos curpa.

E receta pa 100ml Spray:
100ml di Alcohol 70%
20 gota di tea tree, 10 gota di Eucalyptus I 10 gota di pepermunt
of 20 gota citroen, 10 gota bergamot I 10 gota lemongrass

E cantidad di AE ta differencia di persona. Tin hende ta gusta suave I otro juist ta gusta holor fuerte.

Pa use den Lampie como aroma 3 pa 12 gota di e EA den e awa.

Como steam por uza 3 pa 10 gota di AE den un baki cu awa lauw. Hala rosea suave y profundo.
Mas grandi e baki awa ta mas mihor. Asina por pone un serbete riba bo cabes pa haya mas vapor posibel. Mas tanto esaki ta wordo practica cu Eucalyptus.

Asina cada un persona por kies un forma con pa usa AE cu e azeta essential na gusto.

Skirbi pa Shamila Thijsen