Avion di aerolinea Spirit ta opera vuelo pa repatria ciudadanonan Mericano

Aruba su aeropuerto ta den lockdown pa vuelonan comercial unda ta trece y hiba pasaheronan comercial. E vuelonan cu tin actual ta solamente pa carga, emergencia (p.e. air ambulance) y vuelonan pa repatriamento. Esaki ta wordo haci cu aprobacion di Directie Luchtvaart y Gobierno di Aruba.

E aerolinea Spirit ta na e momento aki operando vuelonan pa repatria e ciudadanonan Mericano cu ainda ta pega na Curaçao, Bonaire y Aruba. E personanan cu tawata pega na Bonaire y Curaçao e wordo treci Aruba pa asina transferi di biaha riba e vuelo di Spirit.

No a ricibi informacion si abordo di e vuelo aki por tawata tin residentenan di Aruba cu a regresa.