Montaña – Diaranson pa mas o menos 4:50 di atardi, polis a wordo informa di un atraco arma, ariba un minimarket no mucho leu di warda di Shaba.
Mesora nan a sali direccion di Montaña Foodmart caminda e atraco un rato prome a tuma lugar..
Un homber cara tapa lo a drenta den e minimarket y a pone cuchiu ariba e Chines.
Loke polis por a saca afo ta cu e persona lo tawata tin un t-shirt preto bisti y carson di camouflage bisti, tambe su cara tawata tapa cu un paña color cora. Na momento cu e atracador a caba, e la bandona e sitio na pia. Algun cos di e atracador durante cu ela sali core e lo a laga algun cos cay
Na e sitio por a cuminsa circula varios nomber raro cu ta biba den e vecindario.
Atraco Team a presenta pa asina cuminsa cu nan investigacion.
Probablemente e imagennan di e Security Camera lo por yudanan hopi y cu hopi lihe por pone man ariba e atracador aki.
No ta conoci kiko tur e atracador lo por a bay cune.
