78
Eagle Beach: Diamars algo despues di 6’or di atardi, alarma a wordo bati na Eagle Beach, algun hende tabata pidi pa asistencia di polis cu hopi urgencia. Mesora a manda polis na e sitio.
Na yegada nan a bin compronde cu tres homber a bay dive y ora di bin bek tera, dos so a yega tera y e otro nan no tabata sa unda ela keda. E dos divernan a bay den panico, paso nan no tabata sa cuanto oxigeno e otro diver lo tin ainda den su tanki, nan a pidi pa saca e helicopter, pa yuda nan busca.
Pero esaki hopi liher no tabata necesario pasobra ni 20 minuut despues e diver perdi, a landa yega tera.