Home Police Candelanan durante Toque de Queda a aumenta, mayoria ta intencional

Candelanan durante Toque de Queda a aumenta, mayoria ta intencional

SHARE
Santa Helenastraat – Diamars marduga polisnan a haya informacion di un candela grandi altura Xavier University situa na Santa Helenastraat. 

Den e ultimo dianan aki, por a nota un aumento drastico den candelanan cendi intencionalmente den manera cu TDQ cuminsa.

Y esaki a cuminsa por bisa ariba e prome dianan di e TDQ.

Despues ela baha, pero ultimo dianan a bolbe subi te hasta cu truck di Brandweer a sufri daño door di barancanan cu tawata wordo tira, momento cu nan a bay paga un candela den Village dialuna anochi.

Por mira cu e candelanan aki ta un manera pa provoca autoridad y por a mira esey a pasa dialuna anochi na San Nicolas.

Diamars marduga pa mas o menos 12:30 Brandweer mester a bay un candela tegenover di Xavier University unda cu varios palet lo a wordo cendi na candela. Esaki tawata den cura di un cas bandona.

Mester a paga esaki, debi cu e lo por expande y causa daño na otro casnan den vecindario.

Akinan cos a bay sin ningun incidente.

Ta bon pa personal di Brandweer pone extra atencion of si ta bon wordo compaña door di patruya, ora drenta un melding di candelanan den oranan di TDQ.