Home » Di 6 pa 21 y awo pa 33 Aruba ta amplia su capasidad di Intensive Care Unit

Di 6 pa 21 y awo pa 33 Aruba ta amplia su capasidad di Intensive Care Unit

by Admin
0 comment 60 views

ORANJESTAD, Aruba: Despues di basta deliberacion entre Gobierno di Aruba y Gobierno di Hulanda riba ampliacion di nos capasidad di intensive care (IC) unit. Awe tardi cu hopi antusiasmo nos por bisa cu nos Hospital Dr Horacio Oduber Hospital lo bay conta cu e capasidad di 33 IC unit.

E virus di COVID-19 a demostra di ta plama hopi lihe y por ocaciona complicacion cu hospitalisacion como consecuencia. Rond mundo paisnan ta enfrentando scarsedad di ekipo, medicamento y personal pa atende cu pashentnan cu complicacion pa motibo di COVID-19. Sin ekipo como instancia medico bo no por haci nada mas pa yuda un pashent y como consecuencia e cantidad di mortonan ta cuminsa aumenta.

Na inicio di e crisis aki Aruba su Hospital tawata conta cu un capasidad di 6 IC unit, trahando duro a logra aumenta esaki pa 21. Mirando cu esaki ainda no ta suficiente pa si Aruba haya un brote grandi di COVID-19 a delibera cu Hulanda pa yuda nos aumenta esaki y awor a yega na un totaal di 33 IC unit. Si tin e posibilidad pa aumenta un poco mas, gobierno lo aumenta e capasidad un tiki mas. Esaki pa garantisa cu tur persona cu bin den contacto cu e virus aki y desaroya complicacion por ricibi tratamento medico adecuado y na tempo.

Door di test lo maximo posibel nos ta lokalisando e pashentenan di COVID-19 trempan. Nos por monitor desaroyo di nan salud continuamente y pa esnan cu desaroya complicacion tin suficiente espacio, medicamento y tratamento den hospital pa nan recuperacion. Di e manera aki Gobierno di Aruba ta haci su maximo esfuerso pa maneha COVID-19.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio