Weert, Hulanda: Diabierna den oranan di atardi a drenta e tristo noticia cu Ronnie Mathilda di 62 aña a fayece na un hospital na Alemania.
Ronnie Mathilda ta naci na Aruba, su mayornan ta Arubiano y ta hende di Santa Cruz. Un 30 pa 35 aña pasa e la imigra pa Hulanda y tabata biba na Weert cu su casa y yiunan.
Algun siman atras Ronnie a wordo infecta cu Covid-19 y a bira hopi malo y e la wordo interna den ICU na Hospital.
Mirando su situacion critico e dokternan a opta pa manda Ronnie den coma. Mientras tanto Hulanda a yega na un acuerdo cu Alemania pa manda algun di su pashent mas criticonan pa Alemania. Ronnie tabata un di e pashentnan aki cu a wordo manda Alemania.
Den Hospital na Alemania riba 10 di April la perde e bataya contra e maldito coronavirus aki, e la fayece den hospital na Alemania.
Ronnie a laga un tristesa enorme atras pa su señora y yiunan, su rumannan na Hulanda y Aruba, su tanta cu tabata mescos cu un mama pe, de mas famia y amigonan na Aruba y Hulanda.
Arubanative.com kier a extende su mas profundo palabranan di condolencia na famia di Ronnie Mathilda y cu Ronnie sosega na paz.
