229
Boonchi Strenastraat Ponton – Diasabra anochi pa mas o menos 7:20 polis a wordo pidi cu urgencia pa un adres den Boonchi Strenastraat, debi na un problema serio entre bisiñanan.
Na yegada di polis a compronde cu ta trata di algo basta serio, debi cu un di e bisiñanan lo a menasa e otro cu morto.
Den su poder e lo tawata tin un arma di candela. Esaki a bira motibo suficiente pa e wordo deteni. Agentenan na e sitio a avisa Recherche y tamve BFTO.
Di e manera aki a cuminsa busca e arma, cu lo a wordo scondi of tira den mondi patras. Esaki lo a wordo haya tambe.
Autoridad a keda basta rato na e adres unda e arma a wordo haya.
No ta conoci kiko a por a causa cu un discusion entre bisiña a bay asina leu.
