Commandement der Zeemacht in het Caribisch Gebied (CZMCARIB) ta intensifica cooperacion cu Wardacosta na Aruba
Mariniernan di e Eskuadron 32 di Asalto (‘32 Raiding Squadron’ ) ta keda desplegá pa sostené Wardacosta na Aruba, cu ehecusion di nan tareanan. Ya caba tabata trata di un asistencia andando, den cua militarnan di ARUMIL (Arubaanse Militie) tabata reënforca personal di Wardacosta durante patruya regular riba awa. E asistencia aki lo sigi, i a expande esaki cu mas personal y material, pa asina Wardacosta na Aruba por mantené e control optimal riba e fronteranan maritimo.
E Personal añadi di CZMCARIB, conhunto cu personal di Wardacosta, lo percura pa vigilancia 24/7 riba e area maritimo. E asistencia di e botonan FRISC (‘Fast Raiding Interception Special Forces Craft’ – botonan di intercepcion y siguridad rápido) di Marina Real, cual tambe ta forma parti di e asistencia pidí, lo zorg pa extra presencia físico riba laman. Tambe patruyanan riba tera ta keda intensivá; esaki den bon cooperacion cu Cuerpo Policial Arubano (KPA). E intensificacion ta un resultado di e medidanan cu Aruba a tuma en coneccion cu e brote di COVID-19. Akinan e fronteranan marítimo a keda será pa tur boto cu ta bin di afo, cu algun excepcion . E medidanan mester yuda pa mas tanto cu ta posibel evitá infeccionnan cu COVID-19. Pa motibo di esaki trafico maritimo pa Aruba ta keda estrictamente controla.
