Home Police Polis a bay atende cu un persona cu a cende un candela...

Polis a bay atende cu un persona cu a cende un candela y e huma tabata causando molester na bisiñanan

SHARE

Keito: Diabierna algo despues di 6’or di atardi, presencia di polis a wordo pidi na un cas na Keito pa molester di huma. Mesora a manda un patruya na e cas.

Na yegada enberdad e agentenan policial a bin topa cu un candela y tabata saca hopi huma, mesora nan a bay papia cu e doño di e cas y a pidi’e pa paga e candela cual mesora ela haci tambe.

Aparentemente ta casi tur dia e lo ta cende candela y bisiñanan ta haya hopi molester di huma.

E agentenan policial a splica e doño di e consecuencia nan cu cendemento di candela por tin pa su persona.