Home Uncategorized Hoben indigena Yanomami di 15 aña ta perde bataya contra coronavirus

Hoben indigena Yanomami di 15 aña ta perde bataya contra coronavirus

SHARE

Brazil – Hoben indigena Yanomami, Alvanei Xirixan di 15 aña, ta fayece diahuebs anochi despues di a keda 7 dia interna den ICU . E a fayece den e hospital principal di Boa Vista, esaki ta e capital di e estado Roraima. Esaki ta informacion cu organisacion di cuido medico indigena ta laga sa.

Expertonan medico y antropologo ta adverti cu e coronavirus por tin un efecto devastator riba e pueblonan indigena di Brazil. Aki ta papia di un total di 850.000 persona. E morto di e hoben aki ta reinforsa e miedo cu autoridadnan medico tin pa e plamamento di e virus entre tribunan norte di Brazil.

Mas cu 26,000 Yanomami ta biba na e frontera entre Brazil cu Venezuela esaki ta un area tamaño di e pais Portugal. Nan teritorio a wordo pa siglos invadi pa minero ilegal di oro. Ta personanan stranhero pa e tribunan aki a trece sarampi y otro enfermedad fatal pa e tribu. Awor nan a trece cu nan coronavirus tambe.