Home International 4 Baby posiblemente contagia cu coronavirus den utero, esaki segun investigacion Chines

4 Baby posiblemente contagia cu coronavirus den utero, esaki segun investigacion Chines

SHARE

Wuhan, China – Investigacion haci den e cuidad Chines di Wuhan ta laga sa cu posiblemente 4 baby a keda contagia cu e virus. E babynan aki lo a keda infecta den utero.

E investigacion aki a wordo publica den e revista medico di investigacion cientifico yama, Europeam Respiratory Journal. 4 baby recien naci a mustra di tin sintoma leve di e virus.

E babynan a naci cu keintura y poco problema di hala rosea. 3 di e mamanan tawata mustra sintoma di COVID-19 prome cu e parto caba. Manera cu e parto a caba di tuma lugar, dokternan a move e babynan aki pa otro sitio.

Pues a hala nan leu di e mama contagia cu e virus. Esaki pa asina preveni cu e baby ta wordo contagia cu e virus. Tampoco e babynan aki a bebe lechi di nan mama.

Mediconan a tuma tur e pasonan aki pa minimisa e chens di contagio, esaki segun investigacion. E parto di e babynan aki tawata via cesarea, pues no parto natural.

Apesar cu a tuma tur e medidanan pa preveni infeccion, e babynan toch a mustra sintoma. Investigacion a conclui cu e babynan aki a ser contagia den utero.