76
Informacion oficial publica pa e fuente arubacovid19.org a duna di conoce cu mas persona a recupera di e virus. Esaki ta sigur un hecho positivo. Na e momento aki tin 62 caso activo, esakinan ta persona cu ainda ta enfermo. Awe a bin 5 caso nobo aserca.
Aruba tin te awor 82 caso registra di e virus. Importante ta pa keda sigui e instruccionan duna pa Gobierno di Aruba. Keda na cas, preveni aglomeracion di persona, tene distancia di 2 meter for di otro, laba man frequente y evita di mishi bo cara.
Siguiendo e guia duna pa gobierno ta yuda reduci casonan nobo di infeccion.
