Home International Prome Minister di Reino Uni Boris Johnson keto bay den ICU, lidernan...

Prome Minister di Reino Uni Boris Johnson keto bay den ICU, lidernan politico rond mundo ta mande mensahe di sosten

SHARE

Londres, Reino Uni – Prome Minister di Reino Uni, Boris Johnson, den estado critico. Diadomingo 5 di maart e a wordo interna den hospital y e dia siguiente e a wordo hinka den intensive care unit (ICU).

Johnson di 55 aña ta actualmente interna den St. Thomas Hospital na Londres. Dia 27 di maart a wordo constata cu e mandatario ta contagia cu COVID-19. Pa motibo cu su sintomanan ta keda persisti y hasta empeora e mester a wordo interna den hospital.

E politico Ingles a ricibi oxigeno via un machine dialuna pasa pa motibo cu e virus a afecta su sistema respiratorio. Segun BBC a raporta actualmente Johnson ta den ICU pa asina ta mas serca di un machine di respiracion acaso e mester di dje.

Pa persona cu tin sintoma mas severo, unda ta haya problema cu nan sistema respiratorio nan por desaroya neumonía. Pues dokternan ta pone pashent na machine respiratorio pa asina duna e sistema inmunologico un chens pa brings e virus.

Presidente Trump ta mande mensahe bisando cu “Tur Americano ta resando pe, e ta un amigo dimi, un gran cabayero y un gran lider.” Presidente Macron di Francia tambe a mande in mensahe pidiendo pa su pronto recuperacion.

Mientras Presidente di Spaña Sanchez ta manda un tweet mandando un abraso pa henter e pueblo Britanico den e temporada dificil aki.

Reino Uni tin 52,279 caso registra di coronavirus y 5,385 fayecido.