Spaans Lagoen – Diamars atardi algo prome cu 3’or informacion a drenta na 911 di un accidente hopi serio ariba e brug di chikito Balashi. Informacion adicional a bisa tambe cu tin hende herida y un auto na candela.
Enberdad na yegada di prome unidad di polis a constata cu tin un auto na candela, y pa manda Brandweer y Materiaalwagen. Ambulance mientrastanto tambe tawata na caminda.
Mesora a bay over na cera ambos banda di e brug, manera altura du Casa Cuna y e parti cu ta bay pa The Palm Island.
E accidente a sosode entre un truck di carga y un pick up. Na e sitio por a mira cu e pick up tawata bahando e brug for di pariba, y dado momento e la dal frontal contra e truck.
Un impacto basta duro por cierto, unda e pick a bira para cara panort den un espacio chikito. Aki ta unda e pick up a pega candela y ta kima completamente.
Brandweer na yegada a paga e candela, evitando pa esaki no pasa over pa e truck. Specialistanan di trafico a presenta y despues cu Brandweer a termina cu nan a trabou a cuminsa haci nan investigacion.
Paramediconan a controla e chauffeur cu a sali ileso for di e accidente aki por a resulta peor si e la keda pega den e pick up.
Caminda a permanece cera y a algo prome cu 4:30 p.m a habri e brug bek.
