Brazil – Comunidadnan Indigena den e region di Amazonas ta bou menasa di un perdida masivo di bida humano. Esaki segun expertonan di salubridad di e pais. Pa e comunidadnan indigena malesanan respiratorio ya caba ta un causa primordial di morto.
Diadomingo 5 di april, Brazil a registra cu tin mas cu 11.000 caso confirma di e virus di COVID-19 y 486 morto. São Paulo tawata e area unda mas caso di infeccion a ser raporta. Actualmente, e virus a plama caba pa otro cuidadnan di Brazil.
Esaki ta inclui e teritorionan indigena tambe. Na e momento aki e prome casonan di infeccion a wordo raporta den e comunidad indigena.Tene na cuenta cu e Amazonas ta un area comparabel di tamaño di ambos pais Francia y Spaña combina.
E comunidad aki ta reprensenta 0,5% di e populacion di Brazil, nan ta un segmento di e populacion cu ta vulnerabel. E proteccion cu ta necesario pa mantene nan teritorio y nan cultura ta wordo ignora pa e gobierno derechista di Bolsonaro.
E miedo ta cu awor e virus lo continua na caba cu e cantidad di persona indigena den e pais, sin cu nan lo ricibi cualkier asistencia for di nan gobierno. E ta den interes di e gobierno, cu ta prefera di bende e terenonan den Amazonas na compania priva, pa e pueblo indigena perde forsa.
Dr Mendonça, ta coordinador di un esfuerso universitario pa provee ayudo medico na e pueblo indigena di e area di Xingu. E dokter a continua na bisa cu e pueblo indigena ta na riesgo di perde nan hendenan grandi. Esaki ta hendenan cu tin tur e sabiduria y conocimento cultural di e comunidad.
E pueblonan indigena ta plania pa busca refugio mas leu den e selva pa proteha nan mes. Nan ta bay traha gruponan mas chikito pa asina purba di warda e pandemia pasa. E problema ta cu e gruponan aki ta steun riba compras di comestibel for di den e cuidadnan.
Tampoco e comunidadnan aki tin tin e recursonan manera hand sanitizer y awa limpi cu habon pa proteha nan mes. Pues si no ta e coronavirus, hamber tambe por ta un elemento di debilitacion.