Kudawecha – Diasabra anochi algo prome cu 11:30 3 menor di edad a yega un adres nan Kudawecha gritando pa auxilio.
E tres muchanan a bisa e habitantenan cu nan tata lo ta batiendo nan mama formalmente.
Mesora e habitantenan a bati a alarma pidiendo presencia di polis cu urgencia.
Patruyanan cerca a bay direccion di Kudawecha.
Na yegada mesora polisnan a bay over na detene e homber, cu tawata completamente soda.
Un indicacion cu algo serio tawata pasando y cu e ta hopi excita.
Na e sitio por a compronde y saca afo cu e problema lo por a start momento cu e tanto tata y mama a cuminsa bebe. Probablemente for di oranan di atardi. Y pa anochi e termina den algo traumatico pa tres menor di edad.
Autoridad lo a pidi presencia di Slachtofferhulp, pa e problema lamentabel aki. E tres criaturanan a keda scondi na e adres cu nan a core yega, den e scuridad di anochi.
Situacion social ta hopi tenso na e momentonan aki, y lo por bay mira un aumento drastico di violencia domestico.
E homber a wordo deteni y hiba warda, Slachtofferhulp lo tin e tarea awor pa analisa e situacion familiar unda cu tin tres menor di edad envolvi y un mama maltrata.
Un ambiente sumamente traumatico pa e menornan.
