AMSTERDAM HULANDA: E cantidad di morto di covid-19 a aumenta cu 164 mas den e ultimo 24 ora y a yega un total di 1651.
Esaki segun informacion di Rijksinstituut voor Volksgezondheid en Milieu (RIVM).
E cantidad di pashentnan infecta cu Covid-19 cu ta wordo interna diariamente a baha. E cantidad di personanan infecta na Hulanda a aumenta den e ultimo 24 ora cu 904 caso acerca y na e momento aki na Hulanda tin 16.627 persona infecta.
Te cu Diabierna Hulanda a conta 1324 pashent di coronavirus den Intensive Care, incluyendo 14 pashent di ICU a wordo interna na Alemania.
Diabierna hospitalnan na Hulanda por a conta cu 2100 cama den ICU. Entre Diadomingo cu Dialuna e cantidad di camanann lo wordo amplia te na 2400, di cual 520 lo ta cama pa interna otro pashentnan cu no ta infecta cu coronavirus.
Segun Landelijk Coördinatiecentrum Patiënten Spreiding (LCPS) e expansion ta bon den schema.