BALTIMORE, Estados Unidos – Na Merca den e ultimo 24 oranan 1480 persona a fayece di coronavirus. Esaki ta e cifra cu Johns Hopkins University a publica, esaki un biaha mas un total record di morto di coronavirus riba un dia.
Di diaranson pa diahuebs, segun John Hopkins University e cantidad di morto tabata 1169, e cantidad aki tabata esun record riba un dia na Merca y henter di mundo.
E cantidad di morto na merca, a consecuencia di coronavirus te na e momentonan aki ta 8094. Desde diahuebs a bin 30 mil caso mas acerca di personanan infecta y en total tin oficialmente 297,412 persona infecta.
E gobierno Mericano diabierna ultimo a duna consehonan nobo na e pueblo Mericano, pa cu combatimento di coronavirus na Merca.
Centers for Disease Control and prevention (CDC) a cuminsa advisa e hendenan pa usa mask ora nan bay den publico pa asina evita cu mas persona wordo contagia.
Fuente:
Johns Hopkins University and Medicines
Telegraaf
CDC