UTRECHT, HULANDA
Desconocinan den oranan laat di anochi a bay cu e aparato di curason, yama Lucas (Hartmassage apparaat) for di den un ambulance. Esaki a sosode na momento cu e ambulance tabata para dilanti di un cas y e personal tabata paden di cas ta dunando asistencia medico.
Segun polis lo tabata trata di algun hoben cu lo tabata riba un trip despues di a fiesta, e hobennan aki lo a hay’e un joke masha pret pa a saca e aparato for di ambulance y bay cune. Esaki a sosode na momento cu e personal di ambulance tabata paden di e cas.
Polis di bario tabata hopi indigna pa loke a sosode y a pone riba su instagram esaki: Pa di prome den e temponan aki pa trip y fiesta ta algo increibel y hopi asocial, pero pa horta algo for di den ambulance como joke ta hopi mas pio.
Na momento cu e personal di ambulance a caba di duna asistencia y a bay bek na e ambulance, nan a nota cu e porta di patras tabata habri y Lucas e aparato di curason a wordo horta. Mesora nan a pidi pa presencia di polis.
E personal di ambulance hunto cu polis a sali cana busca den e bario pa mira si nan por a topa cu e aparato, pero sin resultado. Despues di un rato buscando, nan a dicidi di bay bek na e ambulance y pa nan sorpresa desconocidonan a pone Lucas bek.
Lastimamente nan no a topa cu esun cu a haci e joke laf aki, paso e joke aki por a costa bida di hende. E aparato aki ta hopi esencial, e ta wordo usa na momento cu un persona haya problema serio di curason. E aparato aki ta duna e curason un tipo massage pa asina wanta e persona na bida te ora e yega hospital, pa un tratamento medico mas avansa.
Fuente: NOS