Los Angeles, California: Den e cuidad mericano “Los Angeles” e cantante Bill Withers a fayece. Un di e cancionnan mas conoci di Bill Withers tabata “Ain’t no sunshine”.
William Harrison Withers, conoci como Bill Withers a nace dia 3 di juli 1938 na Estados Unidos. Na un edad basta hoben ela drenta servicio militar y despues a traha na diferente compania y anochi e tabata canta den clubnan pa asina gana poco placa extra.
Na dado momento e tabata cla pa bandona e mundo di musica paso niun compania di disco no tabata kere den dje, pero asina mes ela logra haya un pa yud’e.
Algun cantica conoci di Bill withers tabata ‘Who Is He And What Is He To You’, Lean On Me’, ‘In The Name Of Love’ y ‘Grandma’s Hands’ pero “Ain’t no sunshine” tabata su hit di mas grandi.
Withers durante su trayectoria di cantante a logra tres biaha di gana un Grammy Award.
E cantante Americano di musica Soul a fayece na edad di 81 aña, e la fayece di problemana cardiaco.
