Home » Aruba a sali ganador di IBNS 2019 ‘Bank Note of Year Award’

Aruba a sali ganador di IBNS 2019 ‘Bank Note of Year Award’

by Admin
0 comment 80 views

E International Bank Note Society (IBNS) a anuncia cu den un votacion haci pa su miembronan Banco Central di Aruba (BCA) a sali ganador di nan prestigioso premio anual “Bank Note of the Year Award” pa aña 2019.

Di 100 biyetenan nobo cu a wordo introduci rond mundo, 22 so a wordo nomina. Riba 17 di mei 2019 BCA a lansa Aruba su serie nobo di biyetenan di florin. A dura mas cu 7 aña di preparacion y trabou intensivo haci pa Banco Central di Aruba pa logra esaki.

E diseñonan principal di e biyetenan ta toca e tema ‘Bida na Aruba’. Esaki ta ensera herencia cultural, monumentonan, flora y fauna di Aruba. E biyetenan aki, banda di a hopi bunita, tin caracteristicanan di siguridad mas avansa disponibel.

E cambio aki di biyente a wordo haci despues di casi 30 aña. Esaki kermen cu Aruba a participa tambe pa promer biaha den e IBNS. Como participante nobo, IBNS ta bisa cu Aruba por fungi como un ehempel pa otro paisnan cu ta considerando pa haci cambio den diseño di nan biyente.

E diseño ganador haci pa artista local Nigel Matthew, ta Aruba su biyente di 100 florin. Esaki tin nos yuwana pinta riba e parti dilanti y patras algun damanan den baile di cinta.

Aruba Native kier a extende un palabra di felicitacion pa Banco Central di Aruba y artista Sr. Nigel Matthew. 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio