Home International Homber Mericano ta hinka famia Asiatico, incluyendo un mucha di 2 aña...

Homber Mericano ta hinka famia Asiatico, incluyendo un mucha di 2 aña cu cuchiu, e ta culpa nan di trece coronavirus

SHARE

Texas, Merca – Den un acto criminal instiga pa un odio racista contra persona Asiatico, un homber Mericano a ataca un famia cu ta bezig ta shop cu cuchiu. E homber a hinka hasta dos mucha chikito cu cuchiu. Un mucha di 2 aña y un 6 aña. Esaki a sosode na un tienda yama Sam’s Club.

Oficialnan di Texas awor a determina e caso aki cu a sosode 14 di maart como un ‘hate crime’. Den e delaster temporada di e crisis di COVID-19, tin hende a cuminsa culpa persona Asiatico, en particular esnan Chines, pa e pandemia.

Esaki ta sigur un rasonamento cu ta instiga un odio ilogico. Den e caso aki e homber Mericano, Jose L. Gomez di 19 aña, a bay asina leu di purba asesina un famia. Gomez ta enfrenta tres cargo di intento di asesinato.

FBI a informa cu “e sospechoso a indica cu e a hinka e famia paso e a kere nan ta Chines, y cu nan ta infectando hende cu coronavirus”. E incidente aki cu a sosode na Texas ta solamente un ehempel di aumento di violencia contra persona Asiatico.

FBI a indica cu actualmente tin un aumento grandi di atakenan violento contra personanan Asiatico na Merca. No ta yuda tampoco cu Presidente Trump ta prefera di yama e COVID-19 como e ‘virus Chines’.