Home Local Elements Restaurant na Bucuti & Tara Resort ta deliver bo cuminda gourmet gratis...

Elements Restaurant na Bucuti & Tara Resort ta deliver bo cuminda gourmet gratis y sin service charge

SHARE

 

Cuminda Gourmet Caribense, Vegano, Gluten Free y International

EAGLE BEACH, Aruba – Maart 30, 2020 – “Ora nos clientenan no por yega serca nos, nos lo bai serca nan”, asina e Food & Beverage Director, Marc Giesbers di Elements Restaurant na Bucuti & Tara Beach Resort a bisa.

Residentenan di Aruba tin oportunidad awor pa goza di un cena di alta calidad di e restaurante ganador di renombre internacional Elements Restaurant, cu awor ta haci entrega directamente na cas y asina sostene e empleadonan local den temponan difisil.

Giesbers ta agrega: “Hacimento di aña, aniversarionan y otro occasion special por sigui cu un cena gourmet pa e ta mas festivo y extraordinario.”

E menu di Elements pa entrega ta inclui entre otro, e filet popular Red Snapper cu su sauce pesto casero y cabaron cu hopi specerij como tambe platonan Vegan, Vegetariano cu opcionnan Gluten Free manera e Vegan Moroccan Meatballs y e BBQ cu salada di garbanzo.

Binja di tur sorto tambe tin disponibel.

Nos ta aplica practicanan “safe” ora di preparacion y entrega di e cuminda, cu ta factornan primordial di Elements como parti di e Bucuti Beach Resort cu ta conta cu e certificacion ISO.  Elements ta traha cu standardnan di operacion HACCP cu semper ta exigi mayor nivel di seguridad den e operación tanto pa e clientenan como asociadonan. 

Entrega di lunch of dinner ta disponibel y ta tuma pedido riba telefon : 592-5868 entre 11am pa 7pm tur dia. Tur entrega ta gratis desde Noord pa Paradera.
Por busca e menu riba e pagina: www.elementsaruba.com/menu  

Elements Restaurant actualmente ta e ganador denter di ultimo aña di premio di e Top10 USA Today, den e top 10 restaurantenan den Caribe, den e top 10 di TripAdvisor den Caribe y ganador di “Wine Spectator Award” di Excelencia.