Paradera – Diamars anochi poco pabou di crusada conoci pa accidente na Paradera ta sosode un accidente frontal.
Mirando cu ta trata di un accidente frontal mesora varios unidad a sali pa e area.
Na yegada polisnan a constata cu dos persona herida y un bou influencia. E autonan envolvi tawata un Kia Rio color cora y un Chevrolet Aveo shinishi.
Segun e dama na stuur di e KiA Rio, e Chevrolet Aveo cu e chauffeur bou influencia a kita na su man robes unda cu e no por a haci nada mas.
Debi na e impacto tanto e dama chauffeur y un ocupante a resulta herida.
Chauffeur di e Aveo a wordo deteni y tawata sinta patras den e Aveo wardando pa wordo observa pa Paramediconan, prome cu e bay warda den Transportwagen.
Dos ambulance a presenta na e sitio, unda cu a transporta ambos ocupante di e Kia Rio pa Hospital. Mester remarca cu e dama chauffeur di e Kia Rio ya tawata envolvi diasabra ultimo den un boksmento y a dal su cabes.
Diamars anochi e ta haye envolvi den un otro accidente di auto y lo a bolbe a haya golpi. Ambos ocupante tawata levemente herida.
Pa loke ta chauffeur bou influencia di e Aveo, ela wordo hiba warda di Shaba.
