Amsterdam, Hulanda: Mientras no tin vacuna contra Covid-19, pa e resto di aña lo mester sigui mantene algun di e medidanan cu a wordo implementa pa cu e coronavirus. Manteniendo e medidanan aki ta necesario pa evita cu e virus sigui plama na Hulanda.
Por ehempel pa e resto di aña no por duna otro man, cual lo ta un posibilidad cu lo keda vigente pa un aña. Tambe pa reunionnan, eventonan, fiestanan caminda tin hopi hende ta bin hunto tambe lo keda prohibi.
Rond mundo incluyendo Hulanda, laboratorionan di companianan grandi cu ta traha remedi ta trahando duro pa yega na un vacuna contra coronavirus. Na Hulanda tambe ta trahando duro pa haya e vacuna contra e virus aki, pero cu si no haye mes, esey no kemen cu nan trabounan ta pornada, paso tin hopi mas virus y tambe mester mas vacuna riba mercado.
Cu excepcion di un vacuna, hopi ta trahando tambe pa haya un remedi contra corona. E European Medicines Agency (EMA) a laga sa cu e nan ta den combersacion cu e desaroyadornan encuanto un cantidad di mas o menos di 40 remedi. Te na e momentonan aki niun di e remedinan aki a mustra di ta efectivo contra e Covid-19. Nan ta haciendo testnan cu remedinan contra Ebola remdesivir, lopinavir/ritonavir (medicinanan contra HIV) y tambe Chloroquine y Hydroxycholorquine (contra Malaria)