Italia completo a colga bandera halfstok y a tene un minuut di silencion pa tur hende cu a muri di coronavirus

Roma, Italia: Henter e pais a mustra nan solidarismo y a colga bandera halfstok na honor di tur e victimanan cu a fayece di coronavirus. Esaki ta un iniciativa di tur e alcaldenan di e pais. Na varios lugar a tuma tambe un minuut di silencio.

Italia ta e pais te na e momentonan aki caminda mas persona a fayece di coronavirus. Mas cu 11.500 a fayece di e virus aki, mientra tin mas o menos 100 mil contagia, entre esnan cu a fayece tin 66 dokter cu a wordo contagia y a fayece di coronavirus.

E parti nort di Italia, Lombardia ta esun mas afecta pa cu e virus, ta net caminda e capital financiero di e pais, Milan ta keda.

fuente: EPA/ Reuters