165
Informacion ricibi for di e canalnan oficial ta informa cu actualmente tin 40 caso confirma di COVID-19 na Aruba. Esaki ta informacion cu e website oficial arubacovid19.org a publica awe mainta.
Esey ta indica cu tin un trend alarmante di aumento drastico di e virus den e ultimo dianan. No sa si e casonan adicionalnan aki a bin di persona cu tawata den exterior (y a yega bek recientemente na Aruba).
Si esey no ta e caso, y esakinan ta infeccion cu a tuma lugar localmente no ta conoci tampoco si esakinan ta persona cu tawata siguiendo e medidanan preventivo perscribi pa Gobierno di Aruba (p.e. quarantine, keda cas, tene distancia di otro persona etc.).
Mas claridad lo wordo duna durante e conferencia di prensa di Gobierno di Aruba.
