Rotonde cera pa un rato, debi cu hemchi di verf a cay y susha caminda

Hato – Diahuebs den oranan di mainta por a mira polis y bomberonan na e rotonde di Hato, esaki tawata door cu basta verf a basha ariba caminda.

E motibo tawata cu un truck di un compania cu ta bende verf a haye cu algun hemchi di verf a cay.

Esaki mas cu claro tawata motibo pa avisa polis y brandweer, debi cu mester bay haci’e limpi.

Door cu lo bay tuma basta rato pa haci’e limpi, a bay over na cera e caminda cu ta bin di Pos Abou pa e rotonde di Hato.