Home » Prins Charles y Prins Albert di Monaco ta infecta cu Coronavirus

Prins Charles y Prins Albert di Monaco ta infecta cu Coronavirus

by Admin
0 comment 59 views

London: Prins Charles 71) a test positivo pa cu e virus. ela haya e sintomanan leve y ta den un bon estado di salud. Prins Charles ta isola y ta trahando for di cas.

Su casa Camilla, Duquesa di Cornwall, tambe a haci e test, pero esaki a sali negativo. E pareha real ta den isolacion na cas, na e kasteel Balmoral na Schotland. E testnan a wordo haci pa Departamento di salud publico Britanico (NHS). Te na e momentonan aki no ta mucha cla ken por a contagia Prins Charles, pa motibo cu Prins Charles den e ultimo simannan aki, a topa cu diferente persona relaciona cu su rol publico.

Vocero di Buckingham Palace a reacion bisando cu Queen Elizabeth (93) mama di Prins Charles no tin niun sintoma. Tambe cu Queen Elizabeth, dia 12 maart tabata e ultimo dia cu ela mira su yiu homber mayor. E ta mantiendo su mes na tur e consehonan cu a wordo duna na su persona referente di su salud.

Tres dia pasa segun ITV, Prins Charles a bay di su mes den isolacion, despues cu siman pasa Prins Albert di Monaco su test a sali positivo pa cu e coronavirus y e tambe tabata den e mesun espacio cu Prins Albert di Monaco.
Ambos prins tabata hunto e luna aki durante un reunion di WaterAid na London.

Prins Albert di Monaco weekend pasa a duna di conoce cu maske e ta contagia cu e virus no tin niun motibo pa preocupacion. Segun e prins di Monaco, ela haya poco keintura, poco tosamento, pero e sinti bon y e dokternan ta satisfecho. Esaki ta loke recientemente ela conta People Magazine.

Na Gran Britania desde comienso di e siman aki a bin cu medidanan mas severo pa cu e coronavirus. E britaniconan no ta wordo permiti pa sali di nan cas, solamente si echt no por otro. Diamars e cantidad di personanan cu a fayece a aumenta y a yega na 422 morto. E cantidad di personanan infecta tambe a aumenta di 6650 pa 8077.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio