Home Local Beachnan di Aruba bandona, despues cu casi tur turista a bandona nos...

Beachnan di Aruba bandona, despues cu casi tur turista a bandona nos isla

SHARE

Palm Beach/Eagle Beach: Durante dia nos a capta algun imagen di e beachnan cu normalmente durante e oranan aki di dia, no tin caminda di pone turista. Aruba ta biba di Turismo y esaki a cay drasticamente den algun dia.

Hopi di nos ta trahando directo of indirecto den turismo, nos entrada ta depende di e turistanan, cuanto nan ta gasta durante nan estadia riba nos isla. Awo nos no tin turista mas y esaki a pone cu varios hotel a cera nan porta, a manda trahador cas, algun hotel a manda su trahadornan cu pago cas, otro sin pago, of dunando nan vacacion obligatorio.
Cuanto tempo esaki lo bay dura y con devastador elo ta pa nos isla, nos ta laga den man di e expertonan.

Nos a compila un collecion di potretnan di nos beachnan sin turista, esaki sigur lo sirbi pa futuro, como un parti chikito di documentacionnan di e temporada di crisis cu e COVID-19 a hinka nos aden.