Oranjestad:
Diamars den oranan di anochi, manera cu holoshi a marca 9’or, Toque de Queda dia #4 a drenta na vigor. Polisnan tambe a cuminsa cu nan control. Un cantidad di patruya di polis a cuminsa controla e cayanan di Aruba y mester bisa den e prome oranan ya varios detencion a cay.
Den playa tambe varios detencion a cay y tur e personan aki lo mester bay paga un boet y si no paga esaki den e dos siman, e chens ta grandi cu nan lo por wordo encarcela.
Un persona a wordo deteni dos biaha den anochi, ela keda mustra autoridad cu elo bolbe sali riba caya, esaki sigur tin consecuencia pa su persona.
E asunto di no ta respeta e Toque de Queda lo por bay tin su consecuencianan, cu autoridad lo haci esaki mas severo y con leu e tolerancia lo yega. Pesey ta keda pidi tur hende pa keda cas y no sali for di cas di 9’or di anochi pa 6’or di mainta. Esaki y labamento di man bon, ta djis pa trata cu e virus no por sigui plama y bay for di man.
Algun imagen di personanan cu no a tene nan mes na e TdQ y a wordo deteni den cayanan di Oranjestad.
SI bo no kier bo cara sali publica, djis respeta y no sali riba caya durante e Toque de Queda, paso e tin su consecuencianan.
