Varios candela den Sero Patrishi y Watty Vos Boulevard

Watty Vos Boulevard/Sero Patrishi  – Diamars anochi polis a bay Sero Patrishi unda cu varios candela a wordo cendi. Brandweer a pidi asistencia di polis durante cu nan a yega pa paga e candela.

Algun rato despues ariba Watty Vos tBoulevard direccion rotonde nobo di Tanki Leendert patruya a topa un obheto na candela memey caminda. Mayoria di candelanan ta wordo cendi door di algun hoben di Sero Patrishi mes.

Barinan di sushi tambe ta wordo cendi. Esaki ya tin varios anochi tras di otro pasando, pues manera 9’or bati y TDQ drenta na vigor mesora nan tambe ta ehecuta nan plan. E hobennan aki no ta wak e peliger y mas cu claro no ta sigui ordo di Gobierno.